Filmu- og plötusöfn

Myndasöfn

Netmyndasýningar

Myndaskoðun

Hægt er að skoða myndir í tilgreindum myndasöfnum með því að velja leitarstrengina hér að ofan. Þannig má fletta í gegnum söfn einstakra ljósmyndara og fá hugmynd um það myndefni sem er að finna í Ljósmyndasafni Íslands.

Hvar erum við

Ljósmyndasafn Íslands er með reglubundnar myndasýningar í safnahúsi Þjóðminjasafns Íslands að Suðurgötu 41 í Reykjavík bæði í Myndasal á jarðhæð og á Vegg framan við salinn.

Ljósmyndasafn Íslands er með aðsetur í Vesturvör 16-20 í Kópavogi. Hægt er að senda fyrirspurnir um myndir og annað sem varðar myndasafnið á eftirtalin netföng:

inga.lara@thjodminjasafn.is

ivar@thjodminjasafn.is

Velkominn á vef Ljósmyndasafns Íslands í Þjóðminjasafni

Ljósmyndir eru stærsti efnisflokkurinn í safnkosti Þjóðminjasafns Íslands og eru í sérsafni sem heitir Ljósmyndasafn Íslands. Tæplega 4 milljónir mynda eru í safninu. Þar er að finna úrval þjóðlífs- og mannamynda frá því að ljósmyndin var fundin upp árið 1839 til aldamótanna 2000 en líka besta úrval teiknaðra, málaðra og prentaðra manna- og þjóðlífsmynda frá Íslandi á 16.-19. öld.

Ljósmyndasafn Íslands veitir almenningi, sérfræðingum, útgefendum, kvikmyndagerðarmönnum og öðrum aðgang að myndasöfnum í sinni vörslu og selur og leigir eftirtökur af myndum sem varðveittar eru í safninu.

Safnið er skráð í gagna- og upplýsingakerfið Sarp, sem enn er ekki veflægt, en unnið er að nýrri útgáfu þess. Til að gera hluta mynda Ljósmyndasafns Íslands aðgengilegan á netinu hafa myndasöfn að hluta eða heild verið skönnuð inn svo unnt sé að skoða myndir þó fyrirliggjandi skráning fylgi þeim ekki. Um 20.500 myndir eru til skoðunar á þessari vefsíðu.

Ljósmyndasafni Íslands er skipt upp í mörg minni myndasöfn eftir uppruna þeirra. Í Skrá yfir myndasöfn í Þjóðminjasafni Íslands er gerð ítarleg grein fyrir einstökum söfnum; stærð þeirra, skráningu og myndefni.

Hluti safnkosts Ljósmyndasafns Íslands er aðgengilegur almenningi til skoðunar á almennum skrifstofutíma í Vesturvör 16-20 í Kópavogi og starfsmenn safnsins veita aðstoð við leit að öðru myndefni. Hægt er að hafa samband við starfsmann safnsins á netfangið inga.lara@thjodminjasafn.is

Upplýsingar | Útgáfa |